اسلام آباد 20 ستمبر (اے پي پي) د اطلاعات او خپرونو وزير مملكت فرخ حبيب وئيلي دي د هېواد او اولس پراخا ګټې لپاره پاكې او سپېځلې ټاكنې د وخت ضرورت دے٬ حکومت د انتخابي اصلاحاتو او الېکټرانك ووټنګ مشين (اي وي اېم) ټيکنالوجۍ د لارې سپېځلو ټاكنو لپاره د الېكشن كمېشن مرسته كول غواړي خو د الېكشن كمېشن د ټېكنالوجۍ كارولو په اعتراضات نه پوهېږو، الېکشن کمېشن دې د اي وي اېم پحقله خپلې تسلۍ لپاره د درېم ګړو څخه آډټ وكړي، د الېکشن اېکټ 2017ء په شق 103 او شق 94 كښې ادارې ته په ټاكنو كښې د ټېكنالوجۍ د كارولو او بهر مېشته پاكستانيانو ته د ووټنګ حق وركولو لپاره د كار كولو وئيلي شوي٬ خو الېكشن كمېشن بېخي غلے دے ، د اپوزيشن په اي وي اېم الزامات وزن نه لري، اپوزيشن دې د تنقيد په ځائ سپېځلو ټاكنو لپاره تعميري كردار ولوبوي۔ د ګل په ورځ نجي ټي وي چېنل پروګرام كښې ده ووئيل د كال 2018 د ټول ټكنو نه پس د مخالفې ډلې ګوندونو په دې الېكشن كمېشن د ټګۍ تورونه لګول، څو مياشتې وړاندې مريم صفدر او مولانا فضل الرحمان د ټاكنو كمېشن نه بهر احتجاج كړے ٶ او په آئيني اداره ئې سنګين تورونه لګولي وو خو الېكشن كمېشن ئې هېڅ نوټس نه دے اخستے۔ فرخ حبيب ووئيل الېکشن کمېشن آئيني ادارہ ده او د دې احترام په ټولو واجب دے٬ مونږ د ټاكنو كمېشن له باور وركول غواړو چې د آئين آرټيکل 218 له مخې د قانون له مخې پاكې او سپېځلې ټاكنې كول د الېكشن كمېشن ذمه واري ده۔ ده ووئېل د الېکشن اېکټ 2017ء په شق 103 او شق 94 كښې ادارې ته په ټاكنو كښې د ټېكنالوجۍ كارولو او بهر مېشته پاكستانيانو ته د ووټنګ حق وركولو لپاره د كار كولو وئيلي شوي٬ خو الېكشن كمېشن بېخي غلے دے۔ ده ووئيل د هېواد او اولس په پراخه ګټه پاكې او سپېځلې ټاكنې كول د وخت ضرورت دے٬ حکومت پاكې او سپېځلې ټاكنې كولو لپاره د الېكشن كمېشن مرسته كول غواړي، دا د ټولو ګوندونو مطمع نظر پكار دے خو اپوزيشن ټاپه سسټم روان ساتل غواړي٬ د دې نظام نقائص دومره زياته دي چې د هر الېكشن نه پس اپوزيشن وائي ټګي شوې ٬ الېکشن کمېشن وائي چې اي وي اېم فل پروف كولو لپاره وخت پكار دے٬ د بېلټ پېپرز نظام خو د څو لسيزو راهسې چلېږي او ھغه خو تر اوسه فل پروف كېدل پكار وو، آخر د دومره وخت نه پس دا نظام فل پروف ولې نه كړے شو۔ د يوې پوښتنې په ځواب ده ووئيل اي وي اېم د حكومت يو اړخيزه عمل نه دے٬ سپريم کورټ آف پاکستان د سېنېټ ټاكنو پحقله په رېفرنس الېكشن كمېشن ته امر كړے ٶ چې سپېځلو ټاكنو لپاره ټېكنالوجي استعمال كړئ، په نړۍ د شپې شپې نوې ايجادات كېږي خو الېكشن كمېشن د ټېكنالوجې كارولو لپاره چمتو نه دے
د هېواد او اولس پراخا ګټې لپاره پاكې او سپېځلې ټاكنې كول د وخت ضرورت دے، د اي وي اېم پحقله د الېكشن كمېشن په اعتراضات نه پوهېږو۔ فرخ حبيب
مضمون کا ماخذ : امکان ہے کہ میگا سینا
متعلقہ مضامین
