اسلام آباد۔7مئی(اے پی پی) د پارليماني چارو وزيرمملكت علي محمد خان او د پاكستان تحريك انصاف لارښودو د ټاكنو عمل كښې د اصلاحاتو او د الېکټرانک ووټنګ مشینونو كارولو اهميت په ډاګه كولو سره وئيلي دي د ټاكنو عمل كښې سپېځلتيا له به د سائنس او ټیکنالوجی څانګې نه استفاده كول وي او دې لپاره الېکټرانک ووټنګ مشین تر ټولو غوره لاره ثابتېدې شي۔ د الېکټرانک ووټنګ حوالې سره آرډیننس به اسمبلۍ كښې وړاندے كولے شي۔’’اے پی پی‘‘ سره يوه خصوصي مركه كښې هغه ووئيل پاکستان يو جمهوری هېواد دے او زمونږ اولس جمهوري سوچ لري۔ هغه ووئيل اولس ټول عمري آزاده پرېكړه كړې ده۔ څوك هم چې د اولس ګټې له كار كوي اولس د هغه ستائنه كوي۔ ولې د دې باوجود ووټ غلا كولې شيِ هغه ووئيل بايد يو داسې چاپېرچل وي چې څوك هم ټاكنې كولې شي او اولس په آزاد چاپېرچل كښې خپله رائې وكارولې شي۔ هغه ووئيل د كال 1971 نه تر دې دمه چې څومره ټاكنې شوي دي هغې ته ګوتې پورته كړې شوي دي۔ دا صورتحال نظر كښې نيولو سره وزيراعظم عمران خان د الېکټرانک ووټنګ مشین د لارې د ټاكنو كولو سوچ كړے دے۔ هغه ووئيل زمونږ حكومت د وزيراعظم د وژن له مخې پاكستان كښې هم يو نوے سياسي كلچر راوړل غواړي د كوم د لارې چې د ټاكنو عمل سپېځلې جوړول غواړؤ۔ هغه ووئيل دې سره به كه سل فيصده نه وي نو تر ډېره حده به د ټاكنو عمل كښې بهتري رامخې ته شي هغه ووئيل په دې حقله به آرډیننس هم مونږ قامي اسمبلۍ ته وړادندے كوؤ۔ د بحث په مهال اپوزيشن به دې كښې خپل بدلونونه وړاندې كولې شي او د اپوزيشن ګيلې به لرې كولې شي۔ هغه ووئيل وزیراعظم عمران خان د الیکټرانک ووټنګ مشین حوالې سره د پارليماتي چارو او د سائنس او ټېكنالوجي وزارتونو ته ذمه واري سپارلې ده۔ د بهر هېوادونو پاكستاني وګړو ووټنګ حوالې سره ټاسك آئي ټي وزارت ته وركړے شوے دے۔ د تحريك انصاف د قومي اسمبلۍ غړي علي نواز اعوان ووئيل جمهوريت يو ارتقائي عمل دے په كوم كښې چې وخت سره سره بدلونونه رامخې ته كېږي۔ هغه ووئيل د ټاكنو اصلاحات د اوسني وخت تر ټولو اهم ضرورت دے او مونږ له به د نړۍ په ډول اي وي اېم پلو تلل وي۔ دغسې 28 اربه روپۍ زر مبادله رالېږونكو بهر هېوادونو كښې مېشته پاكستاني وګړو ته به د ووټ حق وركول وي۔ دې لپاره به مونږ له د ټاكنو اصلاحات كمېټي جوړول وي۔ د تحريك انصاف مركزي لارښود عامر محمود كياني ووئيل د الېکټرانک ووټنګ مشینونو كارولو سره به د ټاكنو نتيجو كښې د تاخير مخنيوے وكړې شي۔ هغه ووئيل دا مهال الېکټرانک ووټنګ مشینونه په ځائي كچه هم جوړېږي او د بهر نه هم درآمد كولې شي۔ اپوزيشن دې په دې اړه خپلې رائې وركړي۔ دا يو تر ټولو غوره آپشن كېدے شي۔ پارلیمانی سېکرټری آفتاب جهانګیر ووئيل په دې كښې كومه بله رائې نشته چې د ټاكنو اصلاحات زيات ضروري دي۔ د الېكټرانك ووټنګ مشينونو غوره نتيجې رامخې ته كېدې شي او په دې كښې رامخې ته كېدونكې كمۍ په ګډه ناسته كولو سره لرې كېدې شي۔ هغه ووئيل هېواد كښې د ټګۍ او د ټاكنو غلا مخنيوي له نوې ټېكنالوجي معارفي كولو ته اړتيا ده۔ د تحریک انصاف غړي شېر علي ارباب ووئيل د الېکټرانک ووټنګ مشینونه په ټاكنو كښې سپېځلتيا باوري كولو له يو اهم پېش رفت دے ٬ دا يو ښه قدم دے او مونږ دا مخ په وړاندے بوتلل غواړؤ۔
د ټاكنو عمل سپېځلي جوړولو له د سائنس او ټېكنالوجي كارول او د الېكټرانك ووټنګ مشين لاره خپلول زيات ضروري دي۔ د وزيرمملكت علي محمد او نورو لارښودو خبرې
مضمون کا ماخذ : como ganhar na raspadinha
متعلقہ مضامین
