ډيره غازي خان 05 اګست (اے پي پي)وزيراعظم شهباز شريف وئيلي دي وفاق اوصوبې به په ګډه د سېلاب صورتحال مخنيوے كوي٬ د آخري كور تر ودانۍ به په قلاره نه كېښنو٬ حقدارو ته به د دوي په چوكاټ دننه د هغوي حق ورسوٶ٬ دا د سياست نه د خدمت وخت دے٬ زمونږ اخلاص نه وړاندې كم ٶ او نه به پكښې اوس كمے راشي۔د دې خيالاتو څرګندونه ده د جمعې په ورځ د ډېره غازي خان سېلاب ځپليو سيمو دورې په مهال كوټ چټھه كښې د وېنا په مهال كړې۔ په دې موقع د اطلاعات او خپرونو وفاقي وزيره مريم اورنګزېب٬ د وزيراعظم خاص مرستيال عطا تارړ او نور هم موجود وٶ۔ وزيراعظم ووئيل د سېلاب له امله ډېر مالي او ځاني زيان شوے۔ وزيراعظم راياد كړه چې په كال 2019 كښې هم په نننۍ ورځ مودي سركار يو اړخيزه او غېر قانوني اقدامات سره په مقبوضه كشمير كښې بربريت او د ظلم بازار ګرم كړے ؤ او د كشميريانو آئيني حقونه ئې پامال كړي، هند د تېرو 70 كالو په مهال د کشميريانو د بشري حقونو خلاف ورزۍ كوي او د بې ګناه كسانو وينه بهېول لا زياته كړې، نن نه يواځې ټول پاكستانے قام بلكې ټوله اسلامي نړۍ هغه عظيمو زامنو او غازيانو ته سلام كوي چا چې د هند د غاصبانه قبضې په ضد بېرغ پورته ساتلے دے۔ وزيراعظم دعا وكړه چې لوي څښتن دې كشميريانو ته د هند د غلامۍ نه نجات وركړي او دوي ته دې د آزادۍ ورځ نصيب شي۔ په دې موقع وزيراعظم په سېلاب كښې په قېتمي ځاني زيان د افسوس څرګندونه كولو سره د ژوبل شوو روغتيا لپاره دعا هم وكړه
وفاق اوصوبې به په ګډه د سېلاب صورتحال مخنيوے كوي٬ د آخري كور تر ودانۍ به په قلاره نه كېښنو۔د وزيراعظم شهباز شريف په کوټ چټھه كښې سېلاب ځپليو ته خطاب
مضمون کا ماخذ : آزاد کشمیر لاٹری
متعلقہ مضامین
