اسلام آباد، نيويارك 22 ستمبر (اے پي پي) د اطلاعات وفاقي وزير چوهدري فواد حسېن وئيلي دي د نيوزي لېنډ د كركټ لوبډلې ته د دړكو كړۍ هند ته رسي، د احسان الله احسان په نوم د فېس بك جعلي اكاٶنټ څخه نيوزي لېنډ د پاكستان دورې كولو نه د منع كولو دړكې وركړې شوي، دا جعلي آئي ډي د هند څخه جنرېټ شوې، سنډے ګارډين د نيوزي لېنډ د كركټ لوبډلې دورې په ضد دړكه وركونكے آرټيكل ليكلے، د نيوزي لېنډ اوپنر مارټن ګپټل كورودانې ته هم د دړكو بريښنا ليك لېږلے شوے، د نيوزي لېنډ لوبډلې ته چې كومې هم دړكې وركړې شوي، د هغې سرچينه هند ؤ ، د نيوزي لېنډ دورې منسوخ كولو مقصد پاكستان شرمنده كول وو، هند چې څومره غواړي هڅې دې وكړي، هغه به ناكامې سره مخ كېږي، آئي سي سي دې نيوزي لېنډ او نورو لوبډلو ته د پاكستان دورې په اړه د ترلاسه كېدونكو دړكو نوټس واخلي، پي سي بي او د پاكستان حكومت به د نيوزي لېنډ دورې منسوخې په اړه غبرګون وركوي، د هغو ټولو نړيوالو كركټرانو مننه كوو كوم چې په دې مشكل وخت كښې پاكستان سره ولاړ دي. ده دا خبرې د شورو په ورځ د كورنيو چارو وفاقي وزير شېخ رشيد احمد سره يو ځائ خبري كانفرنس ته د وېنا كولو په مهال وكړې. د اطلاعات وفاقي وزير ووئيل پاكستان ففتھ جنرېشن هائبرډ وار او د مېډيا وار سره مخ دے، تر څو چې د تحريك لبيك تحريك روان ؤ ، د هند څخه ئې ملاتړ كېدو، سوشل مېډيا وار فيئر قائم كړے شوے. په تحريك لبيك كښې خلق د خپلې عقيدې او احترام په وجه شامل شول خو دوي په كومه طريقه استعمال شول، د دې دوي ته هېڅ معلوم نه شول. ده ووئيل چې كله د نيوزي لېنډ د كركټ لوبډلې دوره منسوخ كېدله ، هغه وخت د اېس سي او د مشرانو غونډه روانه وه، د وزيراعظم وېنا كېدونكې وه ، د وېنا نه نزدې 15 دقيقې وړاندې ما ته دا پېغام راغلو چې د نيوي لېنډ د كركټ لوبډله دوره منسوخ كوي. خارجه وزير شاه محمود قريشي ، د قومي سلامتيا سلاكار معيد يوسف او د وزيراعظم پرسنل سټاف سره په ګډه مونږ مشوره وكړه او مونږ ووئيل چې دا خبر به وزيراعظم ته د هغه د وېنا نه پس وركولې شي چې دغسې د هغه په وېنا كښې كوم ډول خلل رانه شي.ده ووئېل د دې څخه اندازه كېدې شي چې دا صورتحال پاكستان او د پاكستان اولس لپاره څومره مشكل ؤ .ده ووئېل د نيوزي لېنډ دورې په منسوخ كېدو خلق قهرېدلي دي، ډېر خلق مرور دي. د اطلاعات وفاقي وزير د دورې منسوخې په اړه ځينې حقائق وړاندې كولو سره ووئيل د اګست په 19مه نېټه كال 2021م كښې د احسان الله احسان په نوم د فېس بك يوه جعلي آئي ډي جوړه كړې شوه او د دې څخه يو پوسټ وكړے شو چې پكښې ووئيل شول ” د نيوزي لېنډ كركټ بورډ او د نيوزي لېنډ حكومت دې د كركټ لوبډله پاكستان ته نه لېږي ځكه چې د امنيت صورتحال په پاكستان كښې بهتر نه دے، لكه څنګه چې ماته معلومه ده نړيوال جهادي تنظيم آئي اېس﴿داعش﴾ په پاكستان كې د لوي هدف په تلاش كښې دے، ځكه دا هدف د نيوزي لېنډ د كركټ لوبډله هم كېدې شي، دوي خپله موجودګي څرګندولو او د مېډيا پام راګرځولو لپاره داسې ګام پورته كولې شي، ما ته معلومه ده چې جهادي تنظيم آئي اېس به د دې پوسټ نه پس زما نه مرور شي خو زما كركټ خوښ دے او زه د لوبې په حق كښې نه يم، ما چې څه وئيل غوښتل، هغه مې ووئيل، اوس دا د نيوزي لېنډ د كركټ لوبډلې كار دے او بايد د نيوزي لېنډ حكومت په سنجيدګۍ سره سوچ وكړي. احسان الله احسان، د پي ټي پي پخوانے وياند.” د اطلاعات وفاقي وزير ووئيل وړومبې پوسټ د اګست په 19مه نېټه كال 2021م په فېس بك راغلے، د دې نه پس د اګست په 21مه نېټه كال 2021م د هند ورځپاڼې سنډے ګاردين بيورو چيف ابي نندن مشرا يو آرټيكل خپور كړو چې پكښې ووئيل شول د نيوزي لېنډ د كركټ لوبډله په پاكستان كښې د ترهګرې بريد سره مخ كېدې شي. دا آرټيكل د احسان الله احسان د فېس بك د فېك پوسټ په بنياد وليكل شو. ابي نندن مشرا د هند د سنډے ګارډين بيورو چيف دے او د هغه ډېرې قوي اړيكې امرا لله صالح سره دي كوم چې د افغانستان پخوانې اېن اېس اے پاتې شوے. د اطلاعات وفاقي وزير ووئيل د اګست په 19مه نېټه پوسټ راځي، په 21 اګست په هندوستان كښې آرټيكل ليكل كېږي چې د نيوزي لېنډ د كركټ لوبډله خطر سره مخ ده، د اګست په 24مه نېټه كال 2021م كښې د نيوزي لېنډ اوپنر مارټن ګپټل كورودانې ته د تحريك لبيك د يو اي مېل ائي ډي څخه د دړٍكې مېل كېږي چې پكښې وئيلي شوي مارټن ګپټل به په پاكستان كښې قتل كړے شي. ده ووئيل د برېښنا ليكونو كړۍ هند ته رسي. ده ووئيل د نيوزي لېنډ لوبډلې ته چې كومې هم دړكې وركړې شوي، سرچينه ئې هند ؤ ، د نيوزي لېنډ د دورې منسوخ كولو مقصد پاكستان شرمنده كول وو۔ وفاقي وزير ووئېل هند چې څومره غواړي هڅې دې وكړي، هغه به ناكامې سره مخ كېږي.
د نيوزي لېنډ كركټ لوبډلې ته د دړكو كړۍ هند ته رسي، د احسان الله احسان په نوم جعلي آئي ډي د هند څخه جنرېټ شوې، هند چې څومره غواړي هڅې دې وكړي، هغه به ناكامې سره مخ كېږي. د اطلاعات وفاقي وزير چوهدري فواد حسېن خبري كانفرنس ته وېنا
مضمون کا ماخذ : como apostar na mega sena
متعلقہ مضامین
.jpg)
