اسلام آباد۔6 ستمبر(اے پی پی)وزیراعظم عمران خان وئيلي دي د 6 ستمبر عظيمه ورځ خپلو اتلانو ٬ شهيدانو او غازيانو ته د درناوي بخښلو ورځ ده٬ ملت به تل په خپلو شهيدانو وياړ لري۔ هند د پاكستان او منطقې امن لمنځه وړولو هڅې كوي۔ په هندوستان كښې په اقليتونو ظلم او زياتې كوي۔ په امن كښې زمونږ خوښي لرل دې زمونږ ضعف ونه ګڼلے شي۔ زمونږ مېړني قام او مضبوطو وسله والو ځواكونو دا څو څو وارې ثابت كړې ده چې مونږ د خپل هېواد د دفاع صلاحيت لرؤ او د كوم هم جارحيت مقابلې له هر وخت چمتو يؤ۔ د دې خيالاتو څرګندونه هغه د دفاع او شهيدانو ورځې په مهال خپل پېغام كښې وكړه۔ وزیراعظم ووئيل ژوندي قامونه ازمائشونو څخه تېرېدو سره لا مضبوطېږي۔ په كال 1965ء كښې چې كله دښمن زمونږ د آزادۍ او بقا لمنځه وړولو هڅه وكړه نو پاكستانې قام د مضبوط غر په ډول مخې ته ټينګ ودرېدو۔ په 6 ستمبر هندوستان په پاكستان غېر اعلانيه جنګ مسلط كړو نو ټول قام د وطن د حفاظت كوؤنكو ترڅنګ ودرېدو۔ زمونږ مېړنو چارواكو ٬ ځوانانو ٬ پائيلوټانو او سېلرز دا ثابت كړه چې هغه د خپل هېواد د يو يو انچ حفاظت لپاره هر وخت چمتو دي اګر كه دې لپاره څه هم قيمت ادا كړے شي۔ هغه ووئيل مونږ د هېواد سلامتيا او تحفظ لپاره د خپلو قيمتي ځانونو قرباني وركوؤنكو د قام مېړنو ځامنو ته سلام كوؤ۔ هغه ووئيل نن دا ورځ لمانځلو سره زه دا ووايم چې دښمن كله هم امن سره د پاتې كېدو څرګندونه نه ده كړې بلكې د پاكستان جوړېدو نه تر دې دمه ئې په پاكستان يو شمېر جنګونه مسلط كړي دي۔ كه د كال 1948ء، 1965ء يا 1971ء جنګونه وي يا په دوه لسيزو د مشتملې ترهګرۍ په ضد جنګ ٬ د پاكستان دننه تخريبي سرګرمۍ يا د سائبر وار فيئر د لارې پراپېګنډه ٬ زمونږ په ضد كارروائۍ كوي۔ د بده مرغه په تېر وخت كښې هندوستان د افغانستان خاوره پاكستان كښې ناامنۍ او د ترهګرۍ كارروائيو لپاره كاروله۔ په ننۍ ورځ مونږ د دې ناوړه چالونو خپلوونكو عناصرو غندنه كولو سره خپلو مېړنو ځواكونو او په حاص توګه ګران هېواد لپاره د هغوي قربانيو ته د عقيدت پېرزوينې وړاندې كوؤ۔ هغه ووئيل نړيواله ورورولي دې د دې جارحانه رويې په خپلولو هندوستان ذمه وار وګرځوي۔ هغه ووئيل زمونږ د حكومت د فعاله خارجه پالېسۍ له كبله نړيوالې ورورولۍ ته دا معلومه شوې ده چې څنګه هندي حكومت په ټول هندوستان كښې په اقليتونو او په مقبوضه كشمير كښې په مسلمانانو ظلم او زياتې كوي۔ هغوي دا خبره مني چې د امن يوازينۍ لاره د كشمير مسئلې د ملګرو ملتونو د سېكورټي كونسل قراردادونو لمخې حل كښې ده۔ هغه ووئيل راځۍ چې د ستمبر د جنګ ولوله او جذبه په خپلو زړونو كښې ټول عمري له تازه كړو۔ دا جذبه د راروانو چېنلجونو كاميابۍ سره مقابله كولو له كافي ده۔ خپلو شهيدانو او غازيانو ته د عقيدت پېرزوينې وړاندې كولو سره د دې لوظ پخلے وكړؤ چې د هېواد د دفاع ٬ سلامتي او بقا تحفظ به په هر قيمت كوؤ۔ تل دي وي پاك پوځ٬ تل دے وي پاكستان۔
امن كښې زمونږ خوښي لرل باید هېڅکله زمونږ ضعف ونه ګڼلے شي۔ د ستمبر شپږمه نېټه خپلو اتلانو ، شهیدانو او غازيانو ته د درناوي ورځ ده. ملت به تل په خپلو شهیدانو ویاړ لري٬ وزيراعظم عمران خان
مضمون کا ماخذ : نتیجہ یہ ہے کہ
متعلقہ مضامین
