اسلام آباد 11 جنوري (اے پي پي) نېشنل كمانډ اېنډ آپرېشن سنټر ﴿اېن سي او سي﴾ وئيلي دي چې په هېواد كښې د تېرو 24 ساعتونو په مهال د كورونا وائرس نور 1 زر 467 كېسونه رپورټ شوي دي او په وبا كښې نور 2 كسان په حق رسېدلي دي. د اېن سي او سي لخوا جاري شويو شمېر له مخې د تېرو 24 ساعتونو په مهال په هېواد كښې د كورونا وائرس 43 زره 540 ټېسټونه شوي دي چې پكښې د كورونا وائرس نور 1 زر 467 كېسونه رپورټ شوي دي. په هېواد كښې د كورونا د فعاله كېسونو شمېره 18 زړه 947 ده. د ځپليو ټوله شمېره 13 لكه 7 زره 174 ته رسېدلې او تر اوسه په وبا كښې 28 زره 974 كسان په حق رسېدلي دي. تر اوسه په هېواد كښې د كورونا ټول 2 كروړه 38 لكه 91 زره 112 ټېسټونه شوي دي. په هېواد كښې د كورونا علاج لپاره په بېل كړې شويو 640 روغتونونو كښې 772 رنځوران تر معالجه لاندې دي.
مضمون کا ماخذ : جنگل وائلڈ
