اسلام آباد 21 مارچ (اے پي پي) سياسي چارو لپاره د وزيراعظم خاص مرستيال ډاکټر شهباز ګل وئيلي دي چې تحريک انصاف او وزيراعظم عمران خان به موجوده بحران څَخه لا مضبوطيا سره بهر شي٬ “ووټ ته عزت وركړۍ” موټو لرونكو ووټونه اخستل پېل كړې دي، زمونږ په نامه د جعلي اكاٶنټس جوړونكو او د پاك پوځ په ضد ناٶړه خبرې كوٶنكو تفصيلي رپورټ جوړولو سره اېف آئي اے ته ليږو، د پي ټي آئي يو كاركن به عدليه٫ پوځ او اولس ته زېړې نه كوي٬ پاك پوځ زمونږ وياړ او د سر تاج دے، ھغوي د قام د پولو محافظ دي٬ سپريم كورټ له د وفادارو بدلولو د رېفرنس پرېكړه كول دي٬ دلته ضمير خرڅېږي، د تحريك انصاف منحرف غړي كه توبه اوباسي او راستون شي نو ځان ته به ئې رانزدې كړو۔ د ګل په ورځ ميډيا سره په خبرو كښې ده ووئيل د پاکستان آئين هر وګړي ته په سوله ايز ډول اولس ته د خپل غږ رسولو حق وركوي٬ بلاول بھټو په دې وروستيو كښې لانګ مارچ كړې چې اختتام ئې په ډي چوك كښې شوې٬ نون ليګ چې چرته زړه غواړي هلته دې جلسه وكړي٬ اوس تحريك انصاف دا كوي نو په پېسو ضمير اخستونكي دې ته اړې ګړې وائي٬ اپوزيشن سره د سرمايې او عمران خان سره د اولس طاقت دے۔ ده ووئيل اپوزيشن وړومبې د جلسې اعلان كړې او بيا قصداً د پنجاب د يو ګوند سېكتر په 27م مارچ اسلام آباد ته رسېدو لپاره كاركنانو ته چيټۍ وليكله٬ عمران خان اولس سره خبره كول غواړي او بولۍ لګوٶنكي د اولس ته وېره كوي، ده پوښتنه وكړه چې اړې ګړې به ولې خپرېږي٬ اسلام آباد دومره لوے دے چې يو ځائ به تحريك انصاف جلسه وكړي او بل ځائ به اپوزيشن وكړي٬ او هر څه به په ډاګه شي۔ د يوې پوښتنې په ځواب كښې ده ووئيل حق او رښتيا پلو چې څوك هم راستنېږي غلطي منلو سره دې راستون شي ٬ هغوي تر دې دمه د ووټ وركولو ګام پورته كړې نه دې ځكه شهباز ګل دوي ځان ته رانزدې كولې شي۔
تحريک انصاف او وزيراعظم عمران خان به روان بحران څَخه لا مضبوطيا سره بهر شي٬ “ووټ ته عزت وركړۍ” موټو لرونكو ووټونه اخستل پېل كړې دي ۔ ډاکټر شهباز ګل
مضمون کا ماخذ : مصر کی میراث
متعلقہ مضامین
