اسلام آباد 20 اپرېل (اے پي پي) وزيراعظم شهباز شريف سره په پاكستان كښې د برتانيې هائي كمشنر ډاكټر كرسچن ټرنر د شورو په ورځ ملاقات وكړو. د وزيراعظم دفتر د مېډيا څانګې لخوا جاري شوي بيان له مخې د برتانيې هائي كمشنر وزيراعظم شهباز شريف ته د وزيراعظم چوكۍ په سنبالولو مباركي وركړه او د برتانوي حكومت لخوا ئې هغه لپاره د نېكو هيلو څرګندونه وكړه. وزيراعظم شهباز شريف د برتانيې وزيراعظم بورس جانسن د مباركۍ په ټويټ د هغه مننه وكړه. وزيراعظم ووئيل چې پاكستان برتانيې سره خپلو اړيكو ته د قدر په سترګه ګوري. وزيراعظم په پاكستان كښې د تعليم، روغتيا او نورو سماجي څانګو ودې لپاره د برتانيې د اقداماتو ستائنه وكړه. د برتانيې هائي كمشنر د وزيراعظم مننه وكړه او د دوه اړخيزه مرستې زياتولو او پراخا كولو لپاره ئې پاكستان سره په ګډه د كار كولو خواهش څرګند كړو.
مضمون کا ماخذ : اٹلانٹس کا بادشاہ
