اسلام آباد 23 ستمبر(اے پي پي) د كورنيو چارو وفاقي وزير چوهدري نثار علي خان وئېلي دي د قامي شناختي كارډونو تصديق كمپائن پھ مهال پھ وړومبو دريو مياشتو كښې 8 كروړه نه زيات شناختي كارډونه تصديق شوې دي ٬پھ دې مهال 2 لكه جعلي شناختي كارډونه په ګوته كړی شوي٬ 50 زره شناختي كارډونه بلاك شوي او 10 شناختي كاروډنه نورې كاروائۍ لپاره قانون نافذ كونكو ادارو ته لېږلې شوي دي ۔د پاكستان جوړیدو نه پس په وړومبي ځل د كورنيو چارو وزارت د كوټلي كمپائن په سوب 2د زره څخه زياتو غېر ملكيانو په خپله خوښه د پاكستان شهريت بېرته پرېښودې٬ډېر زر به د جعلسازۍ څخه پاك اي پاسپورټس جاري كړې شي۔د جمعې په ورځ نېشنل ډېټا بېس رجسټرېشن اتهارټي(نادرا)هېډكوارټر كښې د قامي شناختي كارډونو د تصديق كمپائن په حقله مېډيا سره خبرو كښې د كورنيو چارو وزير ووئيل د شناختي كارډونو د تصديق كمپائن درې مياشتې وړاندې پیل شوې ؤ كله چې مونږ په شپږو مياشتو كښې د لس نيم كروړه شناختي كارډونو د تصديق هدف وركړو نو هغه وخت د نادرا چارواكو وئېل دا سخت كار دے خو په عزم به بشپړولې شي٬ ده ووئېل په 30 ستمبر درې مياشتې پوره كېدونكې دي٬تر دې وخته نادرا 8 كروړه څخه زيات شناختي كارډونو تصديق بشپړ كړې او پاتې به په يوه مياشتو كښې بشپړ كړې شي۔ده ووئيل په نادرا كښې يو داسې نظام جوړ كړی شوې چې د شناختي كارډونو د تصديق عمل به پھ مستقلو بنيادونو روان وي۔د دې كمپائن په مهال دوه لكه شناختي كارډونه په ګوته شوي٬تراوسه 50 زره شناختي كارډونه بلاك كړی شوي او لس نور كاروائۍ لپاره قانون نافذ كونكو ادارو ته لېږلې شوي۔ده ووئيل دا خبره په رېكارډ ده چې د پيپلز ګوند د حكومت څخه وړاندې حكومت يو شناختي كارډ هم نه ؤ بلاك كړې او د پيپلز ګوند په دور كښې 500 شناختي كارډونه بلاك كړې شوي۔ده ووئيل د نادرا سسټم په داسې ډول منظم كړې شوې چې ټول عمري لپاره د جعلسازۍ تمبې بندې شوي۔ده ووئيل د نادرا جعلي شناختي كارډونو په جاري كولو كښې ككړ 18 د نادرا ملازمان په ګوته كړې شوي په كومو چې مقدمه درج كړې شوې٬ داخله وزير ووئېل كوم كسان چې په دې كښې ككړ دي د هغوي به محكمانه انكوائري نه كېږي بلكې په هغوي به نيغ په نيغه مقدمه درج كولې شي۔ده ووئيل له بده مرغه په تېرو حكومتونو كښې د پاكستان شناختي كارډ او پاسپورټ غېر ملكيانو په غېر قانوني او جعلسازۍ سره كارولو او په نړۍ كښې ئې د پاكستان بدنامي كړې۔ده ووئيل د جعلي شناختي كارډونو په حقله درې كيټګري جوړې كړی شوي چې پكښې كه چا نه غلطۍ شوي وي نو هغه كارډ به بحالولې شي او كه د كوم هم حاجت ترمخه جعلسازي شوي نو د لږې جرمانې سره او كه د يو نه زيات شناختي كارډ جعلسازۍ سره جوړ كړې شوي وي نو هغه به په هېڅ صورت ونه بخښلې شي٬ ده ووئېل په دې حقله به راروانه اونۍ كښې يوه پالېسي جوړولې شي۔ده ووئيل كله چې ما وزارت چوكۍ سنبهاله كړه نو هره ورځ به يو بهر هېواد نه كال راتلو چې په يو پرواز كښې وګړي درلېږو په هغوې دې د ترهه ګرۍ مقدمه درج كړې شي خو ما ځواب وركړو كه چا ترهه ګري د هغوي په هېواد كښې كړې وي نو هلته دې ټرائل وكړې شي او كه پاكستان كښې وي او پاكستان ته رالېږلې شي نو شواهد به ورسره وركول وي۔د آړي بريد په حقله د هند د تورونو د پوښتنې پھ ځواب چوهدري نثار علي خان ووئيل هند د آړي بريد شواهد نه لري نو د پاكستان څخه څنګه د كاروائۍ غوښتنه كېدې شي٬هند يوازې د پاكستان بدنامولو لپاره تورونه هغه وخت لګولي كله چې دا بريد كېدو ۔ده ووئيل پاكستان چرې هم په مېډيا بندېز نه دې لګولې۔ ده ووئېل د آړي بريد په وخت هند ته ولې حاجت پیښ شو چې په مېډيا بندېز ولګوي ٬د موټروے پوليس او پوځي ځوانانو ترمينځه د نښتې په حقله د يوې پوښتنې په ځواب داخله وزير ووئيل دې چارې ته په سنجيدګۍ ګورو٬د موټروے پوليس كاركردګي ډېره ښه ده هغوي خو د عامو وګړيو سره هم بداخلاقي نه كوي٬ ده ووئېل يو ځل يې زه هم په اوور سپيډ اودرولې ووم او ما هم جرمانه وركړی۔په اوور سپيډ د امنيتي اهلكارو د نښتې جواز نه جوړېږي۔ داخله وزير ووئېل زما د اطلاعات له مخې په دې حقله جے آئي ټي جوړه شوې څوك چې هم ذمه وار وګرځېدل بايد په ضد يې قانوني كاروائي وكړې شي۔سندھ كښې د رينجرز عملياتو په حقله د يوې پوښتنې په ځواب ده ووئيل په دې اړه درې اعلٰی پاې غونډې شوي چې پكښې د سندھ وزيراعلٰی٬د سندھ ګورنر او د رينجرز ډي جي نه ځانله د اړوندو ادارو چارواكي هم موجود وو او په هغې كښې په بېلو چارو بحث شوې۔د يوې بلې پوښتنې په ځواب ده ووئيل پھ دې كښې اوس هېڅ شك پاتې نه دي چې مودي د وړاندې نه د بلوچستان په حقله بيان وركړې او د دغې نه پس يې براهمداغ بګټي له د هندي شهريت بلنه وركړې ده
د شناختي كارډونو تصديق كمپائن پھ مهال پھ دريو مياشتو كښې 8 كروړه نه زيات شناختي كارډونه تصديق شوې
مضمون کا ماخذ : بڑا برا بھیڑیا۔
متعلقہ مضامین
