اسلام آباد 02 فروري (اے پي پي) وزيراعظم عمران خان وئيلي دي د حكومتي ادارو كار اولس ته سهولت وركول او د اولسي شكايتونو په ترجيحي بنيادونو ازاله كول دي، په خېبر پښتونخوا كښې د برېښنا ترسيلي نظام بهترۍ لپاره اقدامات كوٶ٬ په ادارو كښې د تقررۍ په لړ كښې د مېرټ برلاسي او سپېځلتيا باوري كوٶ۔ د دې خيالاتو څرګندونه ده د شورو په ورځ خېبرپښتونخوا كښې د پېسكو مسئلو پحقله د غونډې مشرۍ كولو په مهال كړې۔ په غونډه كښې وفاقي وزيرانو پروېز خټك٬ مراد سعيد، حماد اظهر، چوهدري فواد حسېن، اسد عمر، د خېبرپښتونخوا وزيرَاعليٰ محمود خان، صوبائي وزير تېمور سليم جھګړا، شوکت يوسف زئۍ او اړوند چارواكو ګډون وكړو۔ وزيراعظم عمران خان په صوبه كښې د پارلماني غړو په ګيلو د پېسكو مسئلو نوټس اخستو سره ووئيل حکومت په لائن لاسز كښې کمے او د برېښنا غلا مخنيوي لپاره په ترجيحي بنيادونو اقدامات كوي۔ په غونډه كښې وزيراعظم د برېښنا لوډشېډنګ او مانيټرنګ نظام٬ د برېښنا غلا مخنيوي لپاره د پورته كړو اقداماتو او پېسكو كښې د افرادي قوت كمي او په نوو تقرريو په تفصيلي توګه خبر كړے شو۔ غونډې ته ووئيل شول پېسکو كښې لائن لاسز کمولو لپاره حكومت د برېښنا په ترسيلي نظام كښې بهترۍ لپاره جامع منصوبه لري او د دې نه پس به طلب پورا كولو لپاره به برېښنا باوري كولې شي، د برېښنا غلا مخنيوي لپاره هم په ترجيحي بنيادونو ټول اقدامات كوٶ۔ غونډې ته ووئيل شول په پېسكو كښې د افرادي قوت كمے ترسره كولو لپاره د تقرري سپېځلې نظام باوري كوٶ، لوډشيډنګ مانيټر كولو لپاره ډيجيټل نظام رائج كوٶ چې ورسره به د هر فيډر د برېښنا لوډشېډنګ وخت په وخت مانيټرنګ كول ممكن شي او د غېر اعلانيه لوډشېډنګ خاتمه به هم وشي۔ وزيراعظم د جاري اقداماتو په ټاكلې موده كښې د بشپړولو او د مسئلو حل په اړه وفاقي او د صوبائي واكمنو او ادارو ترمېنځه د مرستې زياتولو امر وكړو
د وزيراعظم عمران خان په مشرۍ كښې خېبرپښتونخوا كښې د پېسكو مسئلو په اړه غونډه
مضمون کا ماخذ : کنگ میکر
متعلقہ مضامین
