د هېواد زلمي د زده كړو ٬ پوهې او اعلی اخلاق د لارې د اولس تقدير بدلولے شي ، د صدر ډاكټر عارف علوي د اوپن يونيورسټۍ كانووكېشن ته خطاب

APP30-310124 ISLAMABAD: January 31 - President Dr. Arif Alvi addressing the convocation of Allama Iqbal Open University (AIOU) at Jinnah Convention Centre. APP/MAF/TZD

اسلام آباد۔31جنوری(اے پی پی) صدر ډاکټر عارف علوی وئيلي دي د هېواد زلمي د زده كړو ٬ پوهې او اعلی اخلاق د لارې د اولس تقدير بدلولے شي ، د پاكستان مسئلې حل كولو له به قيادت او پوهه په ښه ډول كارول وي او د هېواد ځوانان د دې كردار ترسره كولو بشپړ صلاحيت لري۔ د دې خيالاتو څرګندونه ده د شورؤ په ورځ د علامه اقبال اوپن پوهنتون كانووكېشن ته خطاب كښې وكړه۔ صدر مملكت ووئيل چين پرمختګ د تعلیم او روغتيا په بنياد شكړے ، پاکستان له به هم د تند رفتاره پرمختګ هدفونه سر كولو له د چين په ماډل عمل كول وي۔ ده ووئيل يواځې د بشري وسائلو او سمو پرېكړو د لارې د قامونو تقدير بدلېږي۔ د پوهنتون كامياب ګرېجوېټس د هېواد اشرافيه ګرځولو سره صدر مملكت ووئيل دوئي په يو داسې هېواد كښې د ګرېجوېشن ډګري ترلاسه كړې چرته چې 44 فیصده يعني نزدې 26 ملینه څخه زيات ماشومان سكولونو ته نه ځي۔ صدر د منطقې سره په موازنه كولو كښې ووئيل د سيمې په ټولو هېوادونو كښې سكولو ته د تلونكو ماشومانو تناسب 98 فیصد دے۔ ده ووئيل سكول څخه بهر ماشومانو ته زده كړې ښودلو له به 50 زره نور سكولونه جوړول وي كوم چې د هېواد وسائلو تر مخه كوم آسان كار نه ښكاري۔ ده ووئيل سكول ته نه تلونكي ماشومان په هېواد كښې نزدې درېم نيم لكه جوماتونو څخه استفاده كولې شي۔ صدر عارف علوي په دې خبره د افسوس څرګندونه وكړه چې د جمهوريت او انسانيت چيمپئن ادعا كونكې پرمختګ كړې نړۍ د بشري خواخوږۍ جذبه نه لري ، نړۍ دا مهال د خپلې ګټې تر مخه مخ په وړاندې ځي لكه څنګه چې په غزه كښې د بې ګناه وګړو زور ٬ ظلم او زياتي سره د مخ كېدو په اړه د دوي لخوا د كومې خواخوږۍ څرګندونه ونه كړې شوه۔ ده ووئيل پاكستان هيله لري چې د كشمير مسئله به د ملګرو ملتونو په پلېټ فارم حل كړې شي خو د 70 كلونو تېرېدو باوجود دا مسئله حل نه شوه۔ صدر مملكت د پوهنتون كامياب ګرېجوېټس ته نصيحت وكړو چې هغوي په خپل عملي ژوند كښې د علم ترلاسه كولو هڅې روانې اوساتي۔ ده مېرمنو ګرېجوېټس ته هم ووئيل چې هغوي د واده څخه وروستو په كور پاتې كېدو سره خپلې زده كړې ضايع نه كړئ ٬ صدر ډاكټر عارف علوي ووئېل د ټېكنالوجي په روان دور كښې مېرمنې خپل ملازمت او د كور كار په آسانۍ سره كولے شي۔ د 1970 په لسيزه كښې د علامه اقبال اوپن پوهنتون د جوړېدو پرېكړې ستائنه كولو سره صدر ووئيل پوهنتون په خاص توګه د هېواد په لرو پرتو سيمو كښې خلقو ته زده كړې رسولو كښې مهم كردار ترسره كړے۔ دې څخه وړاندې صدر مملكت كاميابي ترلاسه كوؤنكو زده كوؤنكو ته ډګرۍ او مېډلز وركړل۔ په د موقع د پوهنتون وائس چانسلر ډاكټر ناصر محمود په خپل خطاب كښې ووئيل تر دې دمه دې پوهنتون څخه نزدې 50 لکه زده كوؤنكو فراغت ترلاسه كړے۔ دا پوهنتون نرښځيانو ٬ بنديوانو او د شهيدانو ماشومانو ته د وېړيا زده كړو آسانۍ وركوي۔(

مضمون کا ماخذ : estratégias dupla sena